हिपमत डटकम
एजेन्सी।रुसी विदेशमन्त्री सेर्गेइ लाभरोभले मस्कोका कारण विश्वव्यापी खाद्य संकट उत्पन्न भएको आरोप अस्वीकार गरेका छन् ।
इजिप्टमा भएको अरब लिगका राजदूतको भेलामा उनले पश्चिमा देशले विश्वव्यापी खाद्य सुरक्षामा परेको असरबारेको तथ्य तोडमोड गरेको दाबी गरेका हुन् ।
विदेशमन्त्री लाभरोभले पश्चिमा देशहरूलाई अन्य देशमाथि हाबी हुन खोजेको आरोप समेत लगाए ।
युक्रेनम युद्धका कारण अरब र अफ्रिकी देशमा खाद्य अभाव देखिएको छ । युक्रेनमा उत्पादित अन्नको निर्यात गर्ने विषयमा शुक्रबार रुस युक्रेन सहमति भएको थियो ।
तर लगत्तै ओडेसा बन्दरगाहमा रुसले आक्रमण गरेपछि सम्झौता कार्यान्वयनमा चुनौती देखिएको छ ।
युद्धबारे आक्रोश बढिरहेका बेला रुसको पक्षमा समर्थन जुटाउन लाभ्रोभ अफ्रिकी देशको भ्रमणमा छन् ।
उनले इजिप्ट स्थित आफ्ना समकक्षी सामेख सुक्रीसँग भेटवार्ता गरेका छन् ।
भेटपछि पत्रकार सम्मेलनमा लाभ्रोभले युद्ध के हो र कसले जित्छ भन्ने थाहा पाएपनि पश्चिमा देशहरूले युद्ध लम्ब्याएको बताए ।
युक्रेन मामिलामा अफ्रिकीहरूले लिएको सन्तुलित अडानको समेत उनले प्रशंसा गरेका छन् । उनी इथियोपिया, युगान्डा र कंगोे ब्राजुभिल पनि जाने बताइएको छ ।
१.
२.
३.
