सडक नियम मिच्ने ट्रिपर चालकसँग ट्राफिकका हाकिमले आँखै अगाडी लिए १ हजार घुस

हिपमत खबर मङ्सिर १६

काठमाडौ। घुस लिएको आरोपमा एकजना ट्राफिक प्रहरी पक्राउ परेका छन् ।

अख्तियार दुरुपयोग अनुसन्धान आयोगको टोलिले धनुषामा ट्राफिक प्रहरी सहायक निरीक्षकलाई घुस लिएको आरोपमा नियन्त्रणमा लिएको हो ।

अख्तियारको टोलीले ट्राफिक प्रहरी सहायक निरीक्षक नविनकुमार झालाई महेन्द्रनगरबाट पक्राउ गरेको अख्तियारको कार्यालय बर्दिबासले जनाएको छ।

ट्राफिक नियम विपरित ट्रिपर चलाएका चालकसँग १ हजार रुपैंया घुस लिएपछि ट्राफिक प्रहरी सहायक निरीक्षक झा पक्राउ परेका हुन्। यस सम्बन्धमा आवश्यक अनुसन्धान गरि कारबाहीको प्रकृया अघि बढेको बताइएको छ।