हिपमत डटकम
काठमाडौं ,मंसिर–१७ ।
बागलुङ जिल्ला बडिगाड गाउँपालिकाको भिमगिठे नजिकै कोप्चे भन्ने स्थानमा जीप दुर्घटना हुँदा १४ जनाको मृत्यु भएको समाचार आएको छ । दुर्घटनामा ३ जना घाइते भएको प्रहरीले जनाएको छ ।

गुल्मी बाट जुग्जा खोला कुल पुजाको लागि हिँडेको ग १ ज ५२१९ नम्बरको जीप बागलुङ वडीगाड गाउँपालिकामा दुर्घटना हुँदा ९ जना महिला ४ जना पुरूष र १ बालकको मृत्यु भएको जिल्ला प्रहरी कार्यालय बागलुङका डिएसपी झपिन्द्र भट्टराईले ले बताए ।

दुर्घटनामा मृत्युु हुनेहरूको नाम खुल्न सकेको छैन । घाइतेहरूलाई उपचारको लागि हेलिकप्टरबाट पठाउने तयारी भइरहेको भट्टराईले बताए ।