साउन १७ गते हुने भनिएको मोरङ व्यापार संघको साधारणसभा सरेको छ । साारणसभा साउन २५ गते हुनेछ । आन्तरीक केही तयारी हुन बाँकी रहेकाले साधारण सभा एक हप्ताका लागि सारिएको हो ।

यसपटकको साधारणसभामा प्रधानमन्त्री वा अर्थमन्त्रीलाई ल्याउने प्रयास भएको छ । संघको एक टोलीले प्रधानमन्त्री शेरबहादुर देउवालाई काठमाडौंमा गएर भेटेको छ । देउवाले समय अनुकुल भयो भने आफु आउने बताएका छन् । सूत्रका अनुसार प्रधानमन्त्रीकै लागि पनि साधारणसभा मिति एक हप्ता पर सारिएको हो । संघको साधारणसभामा यसअघि प्रधानमन्त्रीका रूपमा गिरिजाप्रसाद कोइराला सहभागि थिए । साधारणसभा संघको नेतृत्व चयनका लागि प्रक्रिया अघि बढ्ने छ ।

मोरङ व्यापार संघ २००८ सालमा स्थापना भएको देशकै पहिलो निजी क्षेत्रको उद्योग वाणिज्य संस्था हो । सात सालको क्रान्तिपछि विराटनगर मर्चेन्ट एसोसिएसनका नाममा यो संस्थाको जन्म भएको हो ।