दाङमा त्रिशुल प्रहार गरी एक युवकको हत्या भएको छ । बबई गाउँपालिका ३ धनबाँस गुन्द्री बजारका नारायण डाँगीको स्थानीय बालीराम ओलीले त्रिशुल प्रहार गरि हत्या गरेका हुन् ।

त्रिशुल प्रहारबाट गम्भिर घाईते डाँगीको अस्पताल लैजादै गर्दा वाटोमा मृत्यु भएको ईलाका प्रहरी कार्यालय तुलसीपुरका डिएसपी शिबवहादुर सिंहले जानकारी दिए । ओलीले गाउँमा रहेको मन्दिरको त्रिशुल उप्काएर डाँगीलाई प्रहार गरेका हुन् ।

हत्याको कारण खुलेको छैन । घटनाबारे अनुसन्धान भैरहेको प्रहरीले जनाएको छ । ओलीले आफैंलाई पनि त्रिशुल प्रहार गरी घाइते बनाएका छन । उनको तुलसीपुर स्थित प्रादेशिक अस्पतालमा उपचार भइरहेको छ ।