पथरी ।कञ्चनजंघा दैवि प्रकोप व्यवस्थापन समितिको आयोजनामा मोरङको पथरीशनिश्चरे १० स्थित जिरिखिम्तीमा निशुल्क स्वास्थ शिविर सम्पन्न भएको छ ।विराटनगरस्थित दिव्यज्योति अस्पतालको प्राविधिक सहयोगमा कञ्चनजंघा दैविप्रकोप व्यवस्थापन समितिले शनिबार पथरीको जिरिखिम्तिमा निशुल्क स्वास्थ शिविर सञ्चालन गरेको हो ।

शिविरमा १ सय ५० जना सेवाग्राहीले नाक , कान , घाँटि र आँखा सम्बन्धि निशुल्क सेवा लिएको आयोजक कञ्चनजंघा दैविप्रकोप व्यवस्थापन समितिका सचिव प्रेम केडिले जानकारी दिए । शिविरमा आँखा रोग विशेषज्ञ डा. प्रिया मण्डल र नाक,कान,घाँटि रोग विशेषज्ञ मुकेश ठाकुरले सेवा दिएका थिए ।

शिविरबाट पथरीशनिश्चरे १० र आसपासका वडाका सेवाग्राहिहरु लाभान्वित भएका छन् । नगरकै सबैभन्दा पुरानो संस्थाको रुपमा चिनिएको कञ्चनजंघा दैवि प्रकोप व्यवस्थापन समितिले प्राकृतिक विपत्तीमा परेकाहरुलाई सहयोगका साथै स्थानिय युवाहरुलाई खेलकुद तथा विभिन्न कार्यक्रमहरु गर्दै आएको छ ।सोहि संस्थाका युवाहरुले गत तिहारमा खेलेको देउसि भैलो कार्यक्रमबाट संकलित रकमले पुस्तकालय सञ्चालन समेत गर्ने तयारी भइरहेको संस्थाका सचिव केडिले बताए ।