मोरङ।मोरङको जहदा गाउँपालिकामा प्रहरीले ठूलो मात्रामा लागुऔषध गाँजा बरामद गरेको छ। जिल्ला प्रहरी कार्यालय मोरङले २ जनालाई गाँजासहित पक्राउ गरी अनुसन्धान थालेको छ।

प्रहरीका अनुसार, जहदा गाउँपालिका वडा नम्बर ७, सितमटोल स्थित २७ वर्षीय उमेश कामतको घरबाट १०८८ किलो गाँजा बरामद भएको हो। प्रहरीले उनको घरकोठामा तलाशी गर्दा कालो प्लास्टिकमा प्याक गरी राखिएको ३४ पोका गाँजा फेला पारेको थियो।

त्यस्तै, सोही स्थानमा ३३ वर्षीय अरविन्द कुमार साहको घरबाट १५ किलो गाँजा बरामद भएको छ। प्रहरीले उनको घरकोठामा तलाशी गर्दा कालो प्लास्टिकमा प्याक गरी राखिएको अवस्थामा गाँजा फेला पारेको थियो।

जिल्ला प्रहरी कार्यालय मोरङका प्रहरी टोलीले विशेष सूचनाका आधारमा ती स्थानमा छापा मारेको थियो। पक्राउ परेका दुवै जनालाई हिरासतमा राखी थप अनुसन्धान भइरहेको प्रहरीले जनाएको छ।