नेपाल विद्युत प्राधिकरणका पूर्व कार्यकारी निर्देशक कुलमान घिसिङ र नवनियुक्त कार्यकारी निर्देशक हितेन्द्रदेव शाक्य दुवैले दायर गरेको रिट मुद्दा हेर्न नमिल्नेमा परेको छ। दुवै रिट प्रधानन्यायाधीश प्रकाशमान सिंह राउत र शारंगा सुवेदीको संयुक्त इजलासमा सुनुवाइका लागि तोकिएको थियो।

शुक्रबार, न्यायाधीश अब्दुल अजीज मुसलमानको इजलासले दुवै जनाको रिट मुद्दालाई एकै ठाउँमा राखेर सुनुवाइ गर्ने आदेश दिएको थियो। कुलमान घिसिङले आफूलाई पुनर्बहालीको माग गर्दै रिट दायर गरेका छन्। हितेन्द्रदेव शाक्यले पनि यसअघि आफूलाई गैरकानुनी रूपमा हटाइएको भन्दै दायर गरेको रिट विचाराधीन छ।