तनहुँ । ईलाका प्रहरी कार्यालय आबुखैरेनी, तनहुँले ३ दिनको विशेष अभियानमा १० जना फरार प्रतिवादीलाई पक्राउ गरेको छ ।मंसिर ६ गतेदेखि ९ गतेसम्म चलेको अभियानमा विभिन्न मुद्दामा दोषी ठहर भई फरार रहेका प्रतिवादीलाई पक्राउ गरिएको हो । पक्राउ पर्नेमा सार्वजनिक अपराध, चेक अनादर, लागुऔषध, कर्तव्यज्यान र बहुविवाह मुद्दामा दोषी ठहर भएका व्यक्तिहरू रहेका छन् ।

फैसला कार्यान्वयनलाई प्रभावकारी बनाउन प्रहरीले यस्तो अभियान सञ्चालन गरेको जनाएको छ । पक्राउ परेका सबैलाई सम्बन्धित अदालतमा पेश गरिएको छ ।