विराटनगरमा जारी फुटसल लिगमा एबीपी फाइभ एफसीले आफ्नो दबदबा कायमै राखेको छ। दोस्रो चरणको खेलमा एबीपी फाइभले क्लासिको एफसीलाई ५-१ गोलको फराकिलो अन्तरले पराजित गर्दै अंक तालिकाको शीर्ष स्थानमा अटल रहेको छ।

यसैगरी, रियुनाइटेड एफसीले विराटनगर स्पोर्ट्स एकेडेमीलाई २-१ गोलले हराउँदै तालिकामा आफ्नो स्थान सुदृढ पारेको छ भने स्टारबोइज एफसीले अपटाउन एफसीलाई २-१ गोलले पराजित गर्दै अंक तालिकामा तेस्रो स्थान हासिल गरेको छ।

दोस्रो चरणको खेलपछि अंक तालिकामा केही परिवर्तन भएको छ। एबीपी फाइभ लगातार २ खेल जित्दै ६ अंकका साथ शीर्ष स्थानमा कायम छ। स्टारबोइज एफसी पनि ६ अंकका साथ दोस्रो स्थानमा रहे पनि गोल अन्तरका आधारमा तल परेको छ। अपटाउन एफसी ३ अंकका साथ तेस्रो स्थानमा रहँदा रियुनाइटेड एफसी पनि समान ३ अंकका साथ चौथो स्थानमा छ।