दिल्लीबाट काठमाडौं आएको भिस्तारा एयरको विमानमा बम रहेको हल्ला चलेपछि त्रिभुवन अन्तर्राष्ट्रिय विमानस्थलमा हडकम्प मच्चिएको छ। विमानमा बमको खबर पाएपछि नेपाल प्रहरी, नेपाली सेना लगायतका सुरक्षा निकायले विमानको व्यापक खोजी कार्य गरिरहेका छन्।

उपत्यका प्रहरी कार्यालयकी एआईजी किरण बज्राचार्यका अनुसार विमानमा रहेका सबै यात्रुलाई सुरक्षित रूपमा ओरालिएको छ र घटनास्थलमा पुग्न लागेको बताएकी छन्। उनले भनिन्, “बम रहेको सूचना पाएपछि हामी तत्काल घटनास्थलतर्फ गइरहेका छौं। सुरक्षा निकायहरू परिचालित भइसकेका छन्।”