विराटनगर। मोरङको पथरीशनिश्चरे नगरपालिका–७ मा ६० वर्षीय चन्द्र बहादुर तामाङ आफ्नै घरमा मृत फेला परेका छन्। मायालु चोकस्थित घरमा रगताम्य अवस्थामा उनका शव शनिबार बिहान करिब साढे सात बजेतिर स्थानीयले प्रहरीलाई खबर गरेका थिए।

प्रहरीका अनुसार, चन्द्र बहादुर र उनका ज्वाइँ, २५ वर्षीय रविन राई मात्रै घरमा बस्दै थिए। घटनास्थलमा इलाका प्रहरी कार्यालय पथरीका प्रहरी नायब उपरीक्षक मोहनविक्रम दाहालको नेतृत्वमा टोलीले अनुसन्धान गरिरहेको छ।

चन्द्र बहादुरको शव रगतमा डुबेको अवस्थामा फेला परेको र शरीरका विभिन्न भागमा धारिलो हतियारका चोटपटक देखिएको जानकारी प्राप्त भएको छ। शव नजिक खुर्पा पनि भेटिएकोले सोही हतियारले प्रहार गरेर हत्या गरिएको हुनसक्ने प्रहरीले अनुमान गरेको छ।

प्रहरीले ज्वाइँ रविन राईको खोजी गरिरहेको छ, जबकि चन्द्र बहादुरकी पत्नी, दुई छोरा र एक छोरी (रविनकी पत्नी) विदेशमा रहेको जानकारी प्राप्त भएको छ।