पाँच वर्ष र सोभन्दा माथिका उमेर समूहमा पुरुषहरूको साक्षरता ८३.६ प्रतिशत र महिलाहरूको ६९.४ प्रतिशत छ। १५ देखि २४ वर्ष उमेर समूहका ९२ प्रतिशत, १५ देखि ६० वर्ष उमेर समूहका ८५ प्रतिशत, र १५ वर्षभन्दा माथिका ५८ प्रतिशत साक्षर छन्।

सरकारले पहिलो पटक २०६५ सालमा निरक्षर अभियानको सुरु गरेको थियो, तर यो अभियान प्रभावकारी देखिएको छैन। आइतबार ‘बहुभाषिक शिक्षाको प्रवर्धन: पारस्परिक समझदारी र शान्तिका लागि साक्षरता’ नाराका साथ ५८ औँ अन्तर्राष्ट्रिय साक्षरता दिवस मनाइरहँदा यो अभियानको समीक्षा गरिएको छ।

साक्षरता अभियानमा राज्यले झन्डै १० अर्ब रुपियाँ खर्च गरिसकेको छ, र वार्षिक बजेटको कम्तीमा ७० प्रतिशत विद्यालय शिक्षामा लगानी भइरहेको छ।