विराटनगर । धनकुटाको साँगुरीगढी गाउँपालिका-६ स्थितबाट लागुऔषध गाँजा बोकेको ट्रक प्रहरीले नियन्त्रणमा लिएको छ । हिजो दिउँसो इलाका प्रहरी कार्यालय भेडेटारबाट खटिएको प्रहरी टोलीले चेकजाँचको क्रममा धनकुटाबाट धरान तर्फ आउदै गरेको को.१ ख ३८०८ नम्बरको मिनि ट्रकबाट १ सय ३५ किलोग्राम गाँजा बरामद गरेको हो ।

गाँजा बरामद भए सगै ट्रक चालक शहिदभुमी गाँउपालिका-५ का २८ बर्षीय भुमिराज राई समेतलाई प्रहरीले नियन्त्रणमा लिएको छ । गाँजा बोकेको ट्रक सहित पक्राउ परेका चालकको जिल्ला प्रहरी कार्यालय धनकुटाबाट थप अनुन्धान भईरहेको छ ।