हिपमत डटकम
ईटहरी ,मंसिर २१।

एसआरके युनिभर्सेज अर्थात बलिउड सुपरस्टार शाह रुख खानको सबै भन्दा ठूलो फ्यान क्लबको ब्रान्च एसआरके युनिभर्सेज नेपालको सुरुवात ६ अप्रिल २०१५ बाट सुरु भएको हो । सो फ्यान क्लबले शाह रुख खानको फिल्मको च्यारिटी शोको साथ साथै समाजसेवामा पनि आफुलाई अग्रसर गर्दै आईरहेको छ ।
नेपालमा बलिउड फिल्म तथा कलाकारहरुको लोकप्रियता निक्कै नै छ । यसमा पनि शाह रुख खानको फ्यान फ्लोईङ पनि कमि छैन । यस्तैमा एसआरके युनिभर्सेज ग्रुपले यहि मङ्सिरको अन्तिम सनिवार अर्थात २८ गतेका दिन फिल्म “मै हू ना” को स्क्रीनिङ गर्ने भएको छ ।

असहाय तथा दुखमा परेकालाई सहयोग गर्ने उद्देश्य सहित गर्न लागिएको सो च्यारिटि शो उतउत्साहजनक हुनेछ र धेरैबाट सहयोग मिल्ने मा आयोजक एसआरके युनिभर्सेज बिश्वास्त बनेको छ । च्यारिटी सोबाट उठेको रकम संगै टिम मेम्बरबाट संकलन गरिएको सहयोग राशीले जाडोमा न्यानो कपडा बितरण गरिने एसआरके युनिभर्सेजका एड्मिन सरोज बिश्वकर्माले जानकारी गराए ।