नेकपा एमालेले सरकार गठनको पहल सुरु गरेको छ । माओवादी केन्द्रका अध्यक्ष पुष्पकमल दाहाल बालुवाटारबाट गठबन्धनको औचित्य सकिएको भन्दै बाहिरिएपछि बालकोटमा एमालेले सरकार गठनको पहल सुरु गरेको हो ।
यतिखेर बालकोट छलफलमा माओवादी केन्द्र, राष्ट्रिय स्वतन्त्र पार्टी, जनता समाजवादी पार्टी र राष्ट्रिय प्रजातन्त्र पार्टी छन् । आइतबारको छलफलमा दाहाललाई पहिलो कार्यकाल नदिने अडान देउवाले राखेपछि गठबन्धनको औचित्य नरहेको भन्दै दाहाल बाहिरिएका थिए ।
माओवादी केन्द्रका अध्यक्ष दाहाल, रास्वपाका अध्यक्ष रवि लामिछाने, राप्रपाका अध्यक्ष राजेन्द्र लिङ्देन र जसपाका अशोक राई बालकोट पुगेर छलफलमा जुटेका छन् । माओवादीले गठबन्धन तोडेर आए सरकार निर्माणका लागि छलफल गर्ने एमालेको तयारी रहँदै आएको थियो ।
एमालेले पहिलो कार्यकाल दाहाललाई दिँदै राष्ट्रपति आफूले राख्ने प्रस्ताव राख्दै आएको छ । सरकार निर्माणमा बहुमत पुर्याउन १ सय ३८ संख्या आवश्यक छ । एमालेसँगको छलफलमा सहमति जुटे सरकार निर्माणमा यो गठबन्धनको १ सय ५६ संख्या पुग्छ ।
संसदमा एमालेको ७८, माओवादी केन्द्रको ३२, रास्वपाको २०, राप्रपाको १४ र जसपाको १२ सिट छ ।
१.
२.
३.
हिपमत डटकम