सर्लाही, लालबन्दी नगरपालिका(५ बाट अवैध लागूऔषध गाँजा १० किलो सहित भारत घर भएका २५ वर्षीय राजबबर सिंहलाई बुधबार साँझ प्रहरीले पक्राउ गरेको छ । ईलाका प्रहरी कार्यालय लालबन्दीबाट खटिएको प्रहरीले बीआर ३० कियू ७१२३ नम्बरको मोटरसाइकललाई जाँच गर्ने क्रममा मोटरसाइकलमा कार्टुनमा बाँधी ल्याउँदै गरेको उक्त गाँजा सहित फेला पारी उनलाई पक्राउ गरेको हो ।

झापा, मेचीनगर नगरपालिका(१० धुलाबारी बजारस्थित पाथिभारा स्वीट्स एण्ड क्याफेबाट अवैध लागूऔषध ब्राउनसुगर जस्तो देखिने खैरो पदार्थ ४३ ग्राम सहित भारत बस्ने २८ वर्षीय मनोज गिरी लगायत २ जनालाई बुधबार दिउँसो प्रहरीले पक्राउ गरेको छ । लागूऔषध नियन्त्रण व्यूरो काकडभिट्टा र ईलाका प्रहरी कार्यालय धुलाबारीबाट खटिएको प्रहरीले उनीहरुलाई उक्त पदार्थ र उनीहरूले प्रयोग गरेको डब्लुबी ७४ बीएफ ५८७१ नम्बरको भारतीय स्कुटर सहित पक्राउ गरेको हो ।

सुनसरी, धरान उपमहानगरपालिका(५ देउराली सिरान बस्ने २६ वर्षीय अमन राई र सोही उपमहानगरपालिका(३ शिक्षा सदन बस्ने ३२ वर्षीय मन कुमार श्रेष्ठलाई नियन्त्रित लागूऔषध सहित बुधबार प्रहरीले पक्राउ गरेको छ । उनीहरूमध्ये राईले आफ्नै कोठामा लुकाई राखेको नियन्त्रित लागूऔषध ट्रामाडोल ५ हजार ३९ ट्याव्लेट, स्पास्पेइन २ हजार ६ सय ४० ट्याव्लेट र नगद ५५ हजार ६ सय ५४ रुपैयाँ र श्रेष्ठलाई नियन्त्रित लागूऔषध डाइजेपाम १ सय ५६ एम्पुल, ट्रामाडोल १ हजार ट्याव्लेट, स्पास्पेइन १ हजार ५ सय ट्याव्लेट र नगद १० हजार २ सय ९० रूपैयाँ सहित फेला पारी पक्राउ गरेको हो ।यस सम्बन्धमा प्रहरीले थप अनुसन्धान गरिरहेको छ ।