एजेन्सी। भारतको आर्थिक मामिलामा अनुसन्धान गर्ने प्रवर्तन निर्देशनालय ‘ईडी’ ले विपक्षी दल कंग्रेस अध्यक्ष सोनिया गान्धीसँग लगातार तीन दिन बयान लिएको छ ।
गान्धीसँग सोमबारदेखि बुधबारसम्म बयान लिइएको हो । भारतीय पत्रिका नेसनल हेराल्डसम्बन्धी मुद्दामा ईडीले सोनियासँग सोधपुछ गरिरहेको हो ।
सोनियाले हालसम्म सय वटाभन्दा बढी प्रश्नको जवाफ दिइसकेको बताइएको छ । यसअघि गत जुनमा राहुल गान्धीसँग पनि ईडीले सोधपुछ गरेको थियो ।
यही मुद्दामा केही अगाडि कंग्रेसका अन्य दुई नेता पवन वंशल र अल्लिकार्जुन खड्गेसँग पनि बयान लिइएको थियो ।
कंग्रेस सरकारका पालामा नेसनल हेराल्ड पत्रिकाको ९० करोड भारुभन्दा बढी ऋण मिनाहा भएको थियो ।
सो कार्यमा गान्धी परिवारले ५५ करोड अनियमितता गरेको आरोप लगाउँदै भाजपा नेता सुब्रमण्यम स्वामीले मुद्दा दायर गरेका थिए ।
सोनियासँग सोधपुछ भइरहेका बेला कंग्रेस नेताहरूले भने राजधानी नयाँदिल्ली, मुम्बईलगायत सहरमा विरोध जनाएका छन् ।
१.
२.
३.
हिपमत डटकम