काठमाडौ। निकै संक्रामक मानिएको ओमिक्रोनको उपप्रजाति ‘बीए फाइभ’ नेपालमा तीव्ररुपमा फैलिएको छ ।
अहिलेसम्मकै कोरोना भेरिएन्टमध्ये छिटो फैलिने मानिएको यो उपप्रजातिका कारण केही दिनयता संक्रमितको संख्या बढेको छ ।
भारतमा संक्रमण बढेसँगै नेपालमा पनि संक्रमण बढेको हो । काठमाडौंमा पाँच सय भन्दा बढी संक्रमित छन् । शून्य संक्रमित हुने जिल्ला पनि घटेर आठ मात्र पुगेको छ ।
स्वास्थ्य मन्त्रालयको तथ्यांक अनुसार संक्रमित हुनेमा सत्तरी प्रतिशतले पूर्ण खोप लगाइसकेका छन् ।
संक्रमण छिटो फैलिए पनि तुलनात्मक रूपमा अस्पताल भर्ना र मृत्युको जोखिमको ग्राफ एकदम कम हुने चिकित्सकको भनाइ छ ।
दीर्घरोगी र खोप लगाएका बूढापाका वा अन्यमा संक्रमणले गम्भीर विरामी पार्नसक्ने बताइएको छ ।
पछिल्लो उपप्रजातिको संक्रमण हुँदा घाँटी दुख्ने, जीउ दुख्ने, थकित हुने, नाकबाट पानी बग्ने, खोकी लाग्ने, ज्वरो आउने, गन्ध र स्वाद थाहा नपाउने, पसिना आउनेलगायत लक्षण देखिने गरेको छ ।
हालसम्म कुल जनसंख्याको ७०.१ प्रतिशतले कोरोना खोप लगाएका छन् । सरकारले हाल ५ देखि ११ वर्ष उमेर समूहका बालबालिकालाई पनि खोप दिइरहेको छ ।
१.
२.
३.
हिपमत डटकम