अमेरिकी राष्ट्रपति डोनाल्ड ट्रम्प फेब्रुअरी २३–२४मा भारत भ्रमणमा आउदैछन् ।
उनको स्वागतको लागि भव्य दिल्ली र अहमदाबादमा तयारी हुँदैछ । अन्य स्वागत तयारीका अतिरिक्त डोनाल्ड ट्रम्प र उनको परिवारले खाना खाने विशेष भाडाको बनिसकेको छ ।
जयपुरको अरुण पाबुवालले ट्रम्प र उनको परिवारको लागि सुन र चाँदीको जलप लगाइएको भाडा(क्रोकरी) तयार गरेका छन् । यी भाडाको डिजाइन धातुका सामाग्रीको डिजाइनमा सुपरिचित नाम अरुण पाबुवालले गरेका हुन् ।
पाबुवालका अनुसार यी खास क्रोकरीमा ट्रम्प र उनको परिवारले नास्ता, लञ्च र डिनर गर्नेछन् । यसमा कपसेटदेखि लिएर ड्राईफूड राख्ने कटलरी समेत रहेको छ ।
त्यस अतिरिक्त सुनको जलप लगाएको न्यापकिन सेटसमेत तयार गरिएको छ जसमा ट्रम्पका परिवारका सदस्यको नाम लेखिनेछ ।
यसलाई ‘ट्रम्प कलेक्शन’ नाम दिइएको छ । ३५ जनाको समूहले करिब तीन हप्तामा यसलाई तयार गरेका हुन् ।
निर्माणको क्रममा पहिले धातुबाट भाडाँ बनाइसकेपछि तीमाथि सुन र चाँदीको पत्र चडाइएको थियो ।
बाराक ओबामाको भ्रमणको समयमा पनि डिजाइन
पाबुवालले कुनै भीभीआईपी पाहुनको लागि विशेष क्रोकरी डिजाइन गरेको पहिलो पटक भने होइन ।
पाबुवालले यस अघि अमेरिकाका पूर्व राष्ट्रपति बाराक ओबामाको भारत भ्रमणमासमेत कयौं भीभीआईपी पाहुनाको लागि टेबल सामाग्री डिजाइन गरिसकेका छन् ।
यसबाहेक पाबुवाल क्रिकेट वल्र्ड कपदेखि लिएर ब्युटी कन्टेस्टको लागि ताजसम्म डिजाइनिङमा संलग्न भइसकेका छन् । यसैले उनलाई भीभीआईपी पाहुनाको लागि छनौट गरिएको हो । एजेन्सी
२.
३.
