धनुषा, धनुषाधाम नगरपालिका-९ धारापानी बस्ने ७५ वर्षीय दिल बहादुर आले मगरलाई करिब ३ केजी अवैध लागूऔषध गाँजा सहित बुधबार बिहान प्रहरीले पक्राउ गरेको छ । मगरले आफ्नै घरमा लागूऔषध गाँजा बिक्री गर्ने गरेको भन्ने सूचनाको आधारमा ईलाका प्रहरी कार्यालय यज्ञभूमिबाट खटिएको प्रहरीले घरमा जाँच गर्ने क्रममा उक्त गाँजा सहित फेला पारी उनलाई पक्राउ गरेको हो ।

सुर्खेत, वीरेन्द्रनगर नगरपालिका-१ धारापानी बस्ने २६ वर्षीय रमेश परियार लगायत २ जनालाई ४ ग्राम १ सय मिलिग्राम अवैध लागूऔषध ब्राउन सुगर जस्तो देखिने खैरो धुलो पदार्थ सहित बुधबार दिउँसो प्रहरीले पक्राउ गरेको छ । जिल्ला प्रहरी कार्यालय सुर्खेतबाट खटिएको प्रहरीले उनीहरुलाई उक्त पदार्थ सहित पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।