जबरजस्ती करणी गरेको अभियोगमा ललितपुर र मकवानपुरबाट २ जना पक्राउ परेका छन् ।
६४ वर्षीया महिलालाई जबरजस्ती करणी गरेको अभियोगमा ललितपुरको कोन्ज्योसोम गाउँपालिका-५ भारदेउ सुइरे बस्ने ६५ वर्षीय इन्द्र बहादुर तामाङलाई प्रहरीले पक्राउ गरेको छ । तामाङले ती महिलालाई आफ्नै घरभित्र बसिरहेको अवस्थामा करणी गरेको भन्ने उजुरी परेपछि महानगरीय प्रहरी वृत्त चापागाउँबाट खटिएको प्रहरीले उनलाई पक्राउ गरेको हो ।
यसैगरी २१ वर्षीया महिलालाई जबरजस्ती करणी गरेको अभियोगमा मकवानपुरको बकैया गाउँपालिका-१ धोबिडाँडा बस्ने ६२ वर्षीय आईते सिंह वाईवालाई प्रहरीले पक्राउ गरेको छ । वाईवाले ती महिलालाई पुस ३ गते घरमा कोही नभएको अवस्थामा जबरजस्ती करणी गरेको उजुरी आएको आधारमा ईलाका प्रहरी कार्यालय निजगढबाट खटिएको प्रहरीले उनलाई पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको नेपाल प्रहरीको केन्द्रीय समाचार कक्षले जनाएको छ ।