आइतवार शेयर सप्ताहको पहिलो दिन संसद विघटनको प्रभाव शेयर बाजरमा पनि देखिएको छ । दिउँसो राष्ट्रपतिद्वारा संसद विघटनको प्रस्ताव अनुमोदन भए संगै शेयर कारोबारमा तनावको वातावरण सृजना भएको हो ।

२०४६.५७ बाट शुरुवात भएको बजार ९६.८८ अंक घटेर १९३५.६३ मा बन्द भएको छ । १९८ कम्पनीको सहभागीता भएको बजारमा ९ अर्ब ०४ करोड ७९ लाख २७ हजार ५४७ को खरिदबिक्री भएको छ भने १ करोड ४५ लाख ०९ हजार ५३३ को शेयर ट्रेड देखिको छ । सेन्सेटिभ इन्डेक्स समेत १६.३९ अंकले तल झरेर ३६९.५५ मा बन्द भएको छ ।

संसद विघटन संगै परिवर्तित राजनीतिक उथलपुथलले गर्दा शेयर व्यवसायीहरु आत्तिएर कारोबार गरेकाले बजार घटेको जानकारहरु बताउँछन् ।