झापा । झापाको भद्रपुर–७ मा दिनहँु जसो जंगल हात्तीले आंतक मच्चाउँदा सो क्षेत्रका वासिन्दा त्रसित बनेका छन् ।

वडा नं. ७ वोक्तोवारीस्थित फूलसिंह राजवंशीको घर आसपास शनिवारराति आएको जंगली हात्तीले उपद्रो मच्चाएको छ । पाँच वटा ठूला दारा भएका र एउटा बच्चा हात्ती समेत गरी ६ वटा हात्तीले त्रस्त बनाएको स्थानीय सुनील राजवंशीले बताए ।

विहानी पख सोही हात्तीको समूहले अञ्जनी मोडस्थित मित्र चम्लागाँईको घरमा रहेको २ बोरा चोकर समेत खाइदिएको राजवंशीले जानकारी दिए ।

स्थानीयले वन कार्यालयमा खवर गरे पश्चात कार्यालयबाट आएका कर्मचारीहरुले हात्ती खेदाएको र के कति क्षति भयो भन्ने यकिन नभएको वडा नं. ७का वडाध्यक्ष विनोद पोखरेल वताए ।