मोरङका घर जग्गा कारोबार व्यवसायीहरुले सरोकारवाला निकायले कित्ता काट खोल्न गरेको निणर्य कार्यन्वयन नगरेको अरोप लगाउदै आन्दोलन सुरु गरेका छन । भूमि व्यवस्था मन्त्री पद्मा अर्यालले गत भदौ २२ गते सूचना जारी गरी ४ वर्ष अगाडिकै अवस्थामा जग्गाको कारोबार खुलाउने गरी मातहतका कार्यालयलाई गरिएको पत्राचारलाई कर्मचारीले धोती लगाईदिएपछी आन्दोलन सुरु गरिएको हो ।

शुक्रबार मोरङका घर जग्गा कारोबार व्यवसायीहरुले आन्दोलन स्वरुप मालपोतकालयको गेट एक घण्टा बन्द गरेर आन्दोलन गरेका थिए । घर जग्गा व्यवसायी संघ मोरङका अध्यक्ष घनश्याम पोखरेलका अनुसार कित्ता काट खोल्न गरेको सरकारी निणर्य कार्यन्वयनको माग गरिएको छ । विगत ३७ महिनादेखि जग्गाको कित्ताकाट (खण्डिकरण) रोकिँदा घरजग्गा व्यवसायको क्षेत्रमा भएको खरबौं लगानी जोखिममा थियो । पोखरेलका अनुसार सरकारको निर्णय अनुसार काम अगाडि बढाउनुको सट्टा मालपोत कार्यालहरुले सो निर्णय कार्यान्वयन गर्न आनाकानी गरिरहेको छन । भू–उपयोग नियमावली जारी भई भू–उपयोग नक्सा डाटा तयार गरी स्थानीय तहलाई हस्तान्तरण भएपछि सोका आधारमा हुने गरी र हाललाई भू–उपयोग ऐन २०७६ र प्रचलित कानूनको परिधिमा रही जग्गाको कित्ताकाट सम्बन्धी व्यवस्था खुलाउन विभागमार्फत मातहत कार्यलहरुमा निर्देशन दिने भनि गरेको पत्राचारले अहिले जग्गाको कित्ताकाट गर्न गराउन कुनै बाधा नरहेको पोखरेलको दावी छ ।