जिल्ला प्रहरी कार्यालय नवलपरासी (पश्चिम)मा कार्यरत दुईजना प्रहरीलाई कोरोनाभाइरस संक्रमण देखिएको छ ।

प्रहरी सहायक निरीक्षक (असई) र जवानमा कोरोना देखिएको नवलपरासी पश्चिममा कार्यरत एक अधिकृतले रातोपाटीलाई जानकारी दिए । उनीहरुलाई सुनवल नगरपालिकाले तयार पारेको आइसोलेशनमा राखिएको छ ।

संक्रमित जवान जिप्रकाको कम्यूटर शाखामा कार्यरत थिए । संक्रमित असई नेपाल–भारत सीमानामा खटिएका थिए । लक्षण देखिएपछि पीसीआर जाँच गर्दा उनीहरुको कोरोना पोजेटिभ रिपोर्ट आएको हो ।

संक्रमण देखिएपछि जिल्ला प्रहरी कार्यालय नवलपरासी पश्चिमले सबै प्रहरी कर्मचारीलाई गुर्जो, बेसारपानी र आयुर्वेदिक कस्तुरीभुषणको प्रयोग अनिवार्य गरेको छ ।