हिपमत डटकम
काठमाडौं , पुस १९

काभ्रेपलाञ्चोक नमोबुद्ध नगरपालिका ८ दाप्चा तल्लो हटियास्थित आफ्नै घरमा किराना पसल संचालन गरी बस्ने ५५ वर्षीय श्याम कृष्ण श्रेष्ठ र उनकी श्रीमती ५० वर्षीया रुकु माया श्रेष्ठलाई धारिलो हतियार खुर्पा र बियरको बोतल प्रहार गरी हत्या गर्ने २ जना अभियुक्तलाई प्रहरीले पक्राउ गरेको छ ।पक्राउ पर्नेहरुमा ललितपुर महानगरपालिका २५ भैसेपाटी बस्ने सिन्धुली दुधौली नगरपालिका ७ घर भएका २० वर्षीय किरण कुमार मगर र काठमाडौं महानगरपालिका ७ चावहिल बस्ने उदयपुर चौदण्डिगढी नगरपालिका १० घर भएका २४ वर्षीय सुमन राई रहेका छन् । २०७६ कात्तिक १९ गते राति ती दम्पत्तीको हत्या भएको घटनाको सम्बन्धमा केन्द्रीय अनुसन्धान व्यूरो महाराजगंजबाट खटिएको प्रहरीले अनुसन्धान गर्ने क्रममा घटनामा संलग्न रहेका मगरलाई ललितपुर महानगरपालिका २५ भैसेपाटी र राईलाई काठमाडौं महानगरपालिका ७ सरस्वतीनगर चावाहिलबाट पक्राउ गरेको हो ।