च्याम्पियनहरु कठिन समयमा लुक्दैनन् । जब कठिन समय आउँछ, उनीहरु एक दम अगाडि बढ्छन् । कोरोना भाइरसको महामारीका कारण विश्वमा सन्नाटा छाएको छ र एकपछि अर्को गर्दै मानिसहरु यस रोगको नियन्त्रणका लागि सहयोग गर्न अघि सरेका छन् । ब्राजिलका पूर्व खेलाडी तथा प्रशिक्षक डुंगा पनि यो सूचीमा छन् ।

१९९४ का विश्व विजेता कप्तान डुंगाले विपन्नको सहयोगका लागि आफ्नो सक्रियतामा झन्डै १० टन खाद्यान्न र २ सय डाइपर खरिद गरेका छन् । रियो ग्रान्डे डु सुल राज्यमा गरिएका विभिन्न च्यारिटीबाट यो रकम संकलन गरिएको हो ।

‘अहिले हामीमध्ये धेरै चुनौती सामना गर्न बाध्य छैनांै र हामी त्यस्तो काम गर्नेछांै, जुन हामीले गर्नसक्छौं भनेर सोचेका थिएनौं । अब जीवनले हामीलाई सहयोगी, मानवीय र अरुका लागि राम्रो गर्न चुनौती दिइरहेको छ । म तपाईहरुलाई चुनौती दिएको थिएँ, हामीले १० हजार किलो खाद्यान्न जम्मा गरिसकेका छांै र यस लडाँइ निरन्तर गर्नेछौं । यहाँ खेर फाल्ने समय छैन,’ डुंगाले आफ्नो इस्न्टाग्राम भिडियोमा भनेका

छन् ।
दक्षिण अफ्रिकामा कोभीड १९ ले सर्वाधिक असर गरेका देशमध्ये ब्राजिल एक हो । शुक्रबारसम्म यहाँ, ९ हजार जना संक्रमित भए, ३ सय ५९ जनाको ज्यान गइसकेको छ ।