उदयपुरको त्रियुगा नगरपालिका-२ खुदियाई जंगलबाट नियन्त्रीत लागुऔषध सहित २ जना पक्राउ परेका छन् । बुधवार बेलुका ६ बजेको समयमा उक्त जंगलबाट मोटरसाईकलमा घाँस लिएर फर्कदै गरेका त्रियुगा नगरपालिका-१ का २४ बर्षीय बिबेक राई र २२ बर्षीय भुपेन्द्र राईलाई रोकेर चेकजाँच गर्ने क्रममा निजहरुले घाँस भित्र लुकाई छिपाई ल्याउँदै गरेको नियन्त्रीत लागुऔषध डाईजोल्याब  ३० एम्पुल , लुजेसिक ३० एम्पुल र फेरागन ३० एम्पुल गरी जम्मा ९०  एम्पुल लागुऔषध बरामद भएको थियो । लागुऔषध बरामद भएसंगै मानिस तथा  प्रयोग गरेको लु ४६ प ४४८ र स ११ प ४९७५ नम्बरको मोटरसाईकल समेत नियन्त्रणमा लिई थप अनुसन्धान भईरहेको जिल्ला प्रहरी कार्यालय उदयपुरले जनाएको छ ।