सान्भी इन्टरटेनमेन्ट प्रालिको व्यानरमा निर्माणाधीन चलचित्र ‘रंगी’ को मध्यपूर्व र मलेशियाका लागि प्रदर्शन अधिकार बिक्री भएको छ। सलोन बस्नेत प्रस्तुतकर्ता रहेको यस चलचित्रका लागि आशिष इन्टरटेनमेन्टले उक्त क्षेत्रको प्रदर्शन अधिकार खरिद गरेको हो।

निर्माण पक्षले भने कति रकममा यो अधिकार बिक्री भएको हो भन्ने खुलाएको छैन। सुरेश न्यौपानेको निर्देशनमा बनेको यो चलचित्र सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ र विशाल पहारी जस्ता कलाकारहरुको अभिनय रहेको छ।

सक्षम सुवेदी निर्माता रहेको यस चलचित्रमा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, कविराज गहतराज र शिशिर खातीको कोरियोग्राफी तथा केवलमान सिंह बस्नेतको प्रोडक्सन छ।