काठमाडौं। स्वास्थ्य तथा जनसंख्यामन्त्री प्रदीप पौडेलले औषधिको मूल्य समायोजन आवश्यक रहेको बताएका छन्।

शनिबार ललितपुरमा नेपाल औषधि व्यवसायीसंघको १९औं वार्षिक साधारण सभामा मन्त्री पौडेलले मूल्य समायोजन नगर्दा गलत प्रयोगकर्तालाई फाइदा र सही प्रयोगकर्तालाई समस्या भइरहेको बताएका छन्।

मन्त्री पौडेलले मूल्य समायोजन नगर्दा ठगी र महँगोको समस्या बढिरहेको उल्लेख गर्दै समायोजनको आवश्यकता औँल्याए। उनले स्वास्थ्य सेवालाई निःशुल्क र सबै नागरिकको पहुँचमा पुर्याउनका लागि स्वास्थ्य क्षेत्रमा लगानी वृद्धि गर्नुपर्ने पनि स्पष्ट पारे।

साथै, मन्त्री पौडेलले बीमाको स्रोत सुनिश्चित गर्नुपर्नेमा जोड दिँदै, चिनीजन्य र मदिराजन्य पदार्थमा लगाइएको करको धेरै हिस्सा बीमामा लगाउनुपर्ने सुझाव दिए।