मोरङ । पथरीशनिश्चरेका प्रकाश चौहान ‘रियलमी मिष्टर नेपाल – २०२४’ को फाईनलमा पुगेका छन् । असार २१ गते झापाबाट शुरु भएको अडिसन राउन्ड संँगै विभिन्न चरण पार गरेर चौहान फाईनल राउन्डका लागि छनौट भएका हुन ।

आगामी भदौ ८ गते हुने ग्रान्ड फिनालेमा चौहानलाई जिताउन पथरी जेसिजले पत्रकार सम्मेलन आयोजना गरि भोट गर्न आग्रह गरेको छ । पथरी जेसीजका अध्यक्ष राज तिरुवाको सभापतित्वमा मंगलबार पथरीमा भएको पत्रकार सम्मेलनमा प्रतिष्पर्धी चौहानका बुवा गणेश चौहान, आमा प्रमिला र दिदी सरस्वती चौहानले भोट दिएर जिताउन अनुरोध गरेका हुन् ।

एसएमएस भोटिङ मार्फत विजेता चुनिने हुंँदा आफ्नो छोरालाई अत्याधिक भोट गरि विजेता बनाउन प्रतिष्पर्धी चौहानका बुवा गणेश चौहानले सबैलाई आग्रह गरेका छन् । उनलाई देश भित्रैबाट भोट गर्न ईसेवा र विदेशबाट भोट गर्न ग्लोबल अनलाईन पे डटकम लगईन गर्नुपर्ने छ ।

छनौट चरणको अडिसनबाट छानिएका चौहान सहित अन्य प्रतिस्पर्धीहरु अहिले अन्तिम प्रतिस्पर्धाको तयारीमा जुटेका छन् । यस बिचमा अहिले स्वमिङ, फुटबल, रक क्लाइमिङ, समाजसेवा, सर्ट हाइकिङग, क्याटवाक , पब्लिक स्पिकिङ लगायतका दर्जन बढी विषयको प्रशिक्षण चलिरहेको छ ।

प्रतियोगिताको शीर्ष विजेताले ‘मिष्टर वर्ल्ड २०२४’ वा ‘मिष्टर ग्लोबल २०२४’ मा नेपालको प्रतिनिधित्वको अलवा नगद पुरस्कार, विभिन्न गिफ्ट समेत जित्ने आयोजक नेक्स्ट मोडल्स नेपालले जनाएको छ ।