विराटनगर । बढ्दै गएको डेंगुको प्रकोपलाई नियन्त्रण गर्न मोरङको सुनवर्षी नगरपालिकाले निःशुल्क झुल बितरण गरेका छन् । डेंगु रोग महामारीको रुपमा देखापर्न थालेपछि नगरपालीकाले निःशुल्क झुल बितरण गरेको हो ।

सुनवर्षी नगरपालिकाले आफ्नो पालिका भित्र रहेका गरिब, दलित, एकल महिला साथै फरक क्षमता भएका नागरिकलाई निःशुल्क झुल वितरण गरेको जनाएको छ ।

पालिकाले डेंगुबाट बच्न झुल बितरण संगै जनचेतनामुलक कार्यक्रम गदै विगत केहि दिन देखि निरन्तर रुपमा चलाउदै आएको छ । पालिकाले गरिब, दलित, एकल महिला, फरक क्षमता भएका नागरिक र विपन्नहरुको पहचान गरी झुलमा सुत्ने बानी विकासका लागि निःशुल्क झुल वितरण गरेका जनाए ।

बिहीवारबाट निःशुल्क झुल वितरण अभियान सुरुमा ५ सय देखि ६ सय नगरपालिकाबासीलाई झुल बितरण गर्ने सुनवर्षी नगरपालिका मेयर सचिवलायका सदस्य सुवोध कुमार दासले बताए । पालिकाले निःशुल्क झुल वितरण संगै पानी बाट प्रभाबित भएकाहरुलाई त्रिपाल र खेलाडीलाई फुटवल समेत बितरण गरीको दासले बताए ।