राम प्रेम यादब
बिराटनगर । नोवेल मेडिकल कलेज टिचिङ्ग हस्पिटलमा अस्पताल जन्य फोहोर व्यवस्थापन सम्बन्धी अभिमुखिकरण तालिम सम्पन्न भएको छ ।
शनिवार नोवेल मेडिकल कलेज टिचिङ्ग हस्पिटल मै एक कर्यक्रमको आयोजना गरी सम्पन्न गरेको अस्पतालले बताए ।
तालिममा विभिन्न विभागका रेजिडेण्ट चिकित्सकहरु, इन्टर्न, नर्सिङ्ग कर्मचारी, सरसफाई कर्मचारी लगायतका सहभागितामा विभिन्न चरणहरुमा अभिमुखिकरण तालिम सम्पन्न गरिएको छ ।
कार्यक्रमको सहजिकरण सह प्राचार्य एवं प्याथोलोजि विभागका प्राध्यापक डा। ऋतु बराल, नर्सिङ्ग निर्देशक (क्लिनिकल) श्री प्रतिक्षा त्रिपाठीले गर्नु भएको थियो ।
साथै नोवेल मेडिकल कलेज टिचिङ्ग हस्पिटलमा अस्पताल जन्य फोहोरको निर्मलीकरणको कार्यलाई थप व्यवस्थित गर्न नयाँ अटोक्लेभ मेशिन पनि जडान भएको छ ।
सुरक्षित तवरले फोहोर व्यवस्थापन गर्न अटोक्लेभ, प्लासेन्टा पिट, बायोग्यास, गोवर र कम्पोष्ट मल पिट जस्ता अति आवश्यक पूर्वाधारको व्यवस्था रहेको छ भने फोहोरको श्रोतमा नै छनौट र संकलनलाई त्यतिनै महत्त्वका साथ गर्ने गरिएको छ ।
फोहोर व्यवस्थापनमा एकरुपता ल्याउन र यसलाई प्रभावकारी ढंगले व्यवस्थित गर्न नियमित समयतालिका अनुसार गरिने अभिमुखिकरणले ठूलो भूमिका खेले अस्पतालले बताए।
१.
२.
३.
